A cikin duniyar kasuwancin cryptocurrency, mafi yawancin mutane suna tsoron ranar da kasuwa zaka fadi farat dayaβwato abin da ake kira Crash. Amma a zahirin gaskiya, akwai wani yanayi na daban wanda masana da tsofaffin dillalan kasuwa suka sani, wanda ke cinye jarin mutane kuma yake jikata kwakwalwar βyan kasuwa cikin sanyin jiki. Wannan shi ne yanayin Sideways Market (ko Chop Zone)βwato lokacin da farashin crypto ya ki yin sama, ya ki yin kasa, yana ta faman kai-kawo a tsakanin farashi guda.
Ga dalilan da suka sa wannan yanayi ke saurin ruda βyan kasuwa da lakume jarin su fiye da lokacin da aka yi gagarumar faduwa.
1. The Trap of False Hope
Lokacin da kasuwa ta fadi lokaci guda (Crash), kowa ya san abin da ake ciki. Hankali kan tashi, amma daga baya komai yakan lafa, βyan kasuwa su san matakin da zasu daukaβko dai su fita da asara ko kuma su jira ta farfado.
Amma a lokacin Sideways, kasuwa tana wasa ne da tunanin dan adam. Za ka ga farashi ya tashi kadan kamar zai yi tsawa (Breakout), ka hanzarta shiga saboda tsoron kada a bar ka a baya (FOMO). Kana shiga ke nan, farashin zai juya ya koma kasa. Wannan juyawa na akai-akai yana sa dan kasuwa ya rika yin asarar kadan-kadan amma a jere, har ya wayi gari babban jarin sa ya narke ba tare da ya farga ba.
2. Death by a Thousand Cuts
A lokacin da kasuwa ke motsi a kwance, rashin alkibla yana sa mutane yin mu'amaloli (Trades) da yawa cikin gaggawa da fargaba. Kowane lokaci ka shiga kasuwa ka fita saboda tsoro, kana biyan kudin kulla ciniki (Trading Fees da Funding Rates). Idan ba a yi hattara ba, kudaden da kamfanonin musaya (Exchanges) ke caji suna iya cinye kaso mai tsoka na jarin dan kasuwa, ko da ace bai yi babban asara a fili ba.
3. Kashe Kuzarin Kwakwalwa
Kasuwar da ke tafiya a kwance tana bukatar kulawa ta musamman da kuma kallon gilashin na'ura na sa'o'i da dama. Saboda farashin baya tafiya mai nisa, dole ne dan kasuwa ya rika neman tazarar riba kalilan. Wannan matsin lambar na yau da kullum ba tare da samun sakamako na azo-a-gani ba, yana haifar da gajiya ta hankali (Mental Fatigue). Bayan 'yan makonni a cikin wannan yanayi, dan kasuwa yakan fara yanke shawara ba tare da dogon nazari ba, wanda hakan ke kai shi ga babban kuskure.
Enjoying this analysis?
Subscribe to get more deep dives directly in your inbox.
4. Rushewar Tsarin "Technical Analysis"
Mafi yawancin alamomin fasaha (Technical Indicators) kamar su Moving Averages, RSI, ko MACD sun fi yin aiki ne idan kasuwa tana da alkibla ta musamman (ko dai tana sama ko kasa). Idan kasuwa ta koma Sideways, wadannan alamomi suna fara bada bayanan karya (Fake Signals). Alamar da za ta nuna maka kasuwa za ta yi sama, sai ka ga ta juye ta yi kasa. Wannan rashin tabbas yana sa kwararrun ma su fara shakkar dabarunsu na kasuwanci.
Yadda Zaka Kare Kanka
Idan kasuwa ta tsinci kanta a wannan yanayi, ga matakan da manyan βyan kasuwa ke dauka domin tsira:
Rage Shiga Kasuwa (Sit on Your Hands): Ba kowane lokaci ake kasuwanci ba. Wani lokacin, mafi kyawun ciniki shi ne rashin shiga kasuwar kwata-kwata domin kare jarinka.
Maida Hankali Kan Range Trading: Maimakon jiran farashi ya yi babban tashi, kwararru suna saye ne a can kasa-kasa na wannan tafiyar (Support) sannan su sayar a sama-sama kadan (Resistance).
Neman Ilimi Da Tsara Dabaru: Kamar yadda kwararrun masana ke fada: "Kare jarinka shi ne babban makaminka na kasuwanci." Lokacin da kasuwa ta tsaya, lokaci ne mafi kyau na yin nazari, gyara kura-kurai, da kuma shirin jiran lokacin da kasuwar za ta sake daukar chaji.
Kada ka bari yanayin kasuwar Sideways ya debe maka tsammani har ka mika wuya. Masu kudin crypto na gaske ba su yin kudi a lokacin da kasuwa ke tafiya da sauri kawai; suna yin kudi ne saboda sun san yadda zasu yi hakuri su tsira a lokacin da kasuwa ta ki tafiya.
