Yana kama da abu mai ma’ana har mutane kusan ba sa tambayarsa.

"Zan sayar idan ya kai target dina."

Wannan ita ce Ζ™aryar. Ba target Ι—in ba. Ba strategy Ι—in ba. Kalmar "zan." Domin lokacin da lambar dake kan screen tayi daidai da abin da kayi mafarki a kai na tsawon watanni wani abu yana canzawa. Kwakwalwa tana matsar da burin gaba. Kana shawo kan kanka cewa zai iya Ζ™ara hawa. Sai ka riΖ™e. Daga baya kuma ka kalli komai yana dawowa Ζ™asa.

Wannan ita ce babbar Ζ™arya a crypto. Ba scams ba. Ba fake projects ba. Ba market manipulation ba. WaΙ—annan Ζ™aryoyi ne da wasu mutane suke faΙ—a maka. Wannan kuwa kai kake faΙ—a wa kanka. Kuma tana jawo asara fiye da komai.

Dalilin Da Yake Faruwa

Kowane investor yana shiga crypto da tsari mai kyau. Saya. Kalli ya Ζ™aru. Sayar a sama.Tsai mai sauΖ™i. Tsarin yana aiki da kyau har sai farashi ya fara motsawa da gaske.

Lokacin da portfolio Ι—inka ya tashi da 200%, sai kafara raina target Ι—in da kasa. Kana yin sabon lissafi. Kana neman analysts waΙ—anda za su tabbatar maka da sabon babban burinka. Kana watsi da muryoyin masu taka-tsantsan saboda kana ganin basu fahimci abin da ka fahimta ba.

Wannan ba wauta bace. Wannan psychology na Ι—an adam ne. Lokacin da farashi yake hawa, kwakwalwa tana da wahalar tunanin zai iya sauka. Sayarwa yana nufin ka daina jin daΙ—in ganin kuΙ—inka yana Ζ™aruwa. Saboda haka yawancin mutane basa sayarwa. Suna jira. Sai kasuwa ta juya.

Darasin 2021 Wanda Babu Wanda Ya Koya

A Nuwamba 2021, Bitcoin ya kai kusan $69,000. Ethereum ya wuce $4,800. Mutanen da suke riΖ™e da ribar da zata iya canza rayuwarsu a takarda ana gaya musu cewa $100,000 yana nan kusa.

Mutane nawa suka sayar? KaΙ—an ne sosai.

Zuwa Ζ™arshen 2022, Bitcoin ya rasa sama da 75% na darajarsa. Yawancin altcoins sun rasa 90% ko fiye. Mutanen da suke da kuΙ—in da zai canza rayuwar su a Nuwamba 2021 sun fuskanci babbar asara bayan watanni 12 ba don crash Ι—inba a iya hango shi ba, amma saboda sun yi imanin za su san lokacin sayarwa. Kuma lokacin ya zo, suka shawo kansu cewa har yanzu bai zo ba.

Ƙaryar Da Ke Cikin Wannan: "Ni Long-Term Investor Ne"

Enjoying this analysis?

Subscribe to get more deep dives directly in your inbox.

Sponsored Alpha

Wannan magana ana amfani da ita a yanayi biyu daban daban.

Ga investors masu discipline, long-term holding hanya ce ta gaske wadda take dogara da bincike, imani, da matsayi da zasu iya barinsa ba tare da taΙ“awa ba na shekaru.

Ga wasu da yawa, "Ni long-term investor ne" shi ne abin da mutane suke faΙ—a lokacin da suka saya kusa da sama, suka kalli farashi ya faΙ—i, kuma basa iya fuskantar sayarwa da asara. Holding ya zama ba strategy ba amma hanyar Ι“oye ciwo. Yin gaskiya da kanka game da wanne ne kai yana daga cikin abubuwa mafi amfani da za ka iyayi wa kuΙ—inka.

Tarkon Altcoin: "Zai Dawo"

Bitcoin ya dawo daga duk manyan crashes a tarihinsa. Wannan tarihin ya haifar da tunani mai haΙ—ari cewa duk crypto assets suna aiki iri Ι—aya.

Ba haka ba ne. Luna ta kasance top 10 cryptocurrency mai darajar dala biliyan 40. Ta koma sifili cikin awanni 72 a Mayu 2022. BitConnect. SafeMoon. Iron Finance. Jerin projects da suka faΙ—i kuma ba su dawo ba ya fi yawa sosai fiye da waΙ—anda suka dawo. "Zai dawo" gaskiya ne kawai ga assets masu zurfin daraja na gaske. Idan akayi amfani da shi ga komai Ζ™arya ce da ta lalata dukiya mai yawa.

Mafita:- Tsari Kafin KwaΙ—ayi Ya Zo

Babu wanda ya san saman kasuwa yaushe zai zo. Babu kowa. Ba analysts ba. Ba whales ba. Ko mutanen da suka yi sa’a suka hango na baya. Ana ganin saman ne kawai bayan komai ya faru.

Amsa mai amfani ita ce mai sauΖ™i β€” Ι—auki profits yayin da kasuwa ke hawa. Ba gaba Ι—aya lokaci guda ba. Ba Ζ™oΖ™arin gano peak Ι—in daidai ba. Sai dai a hankali kuma da tsari. Sayar da wani Ι“angare a target na farko. Wani Ι“angare idan ya Ζ™ara hawa. Ka bar wani Ι“angare don yiwuwar Ζ™arin tashi. Amma ka kulle ribar gaske a hanya. Wannan strategy ba zai taΙ“a ba ka cikakken saman kasuwa ba. Amma yana tabbatar da cewa crash ba zai goge duk abin da ka gina ba.

Babbar Ζ™arya a crypto ita ce wadda kake faΙ—a wa kanka lokacin da kwaΙ—ayi ya kai kololuwa. Gina tsarinka kafin wannan lokacin ya zo kuma ka tsaya a kai ko da duk muryoyin dake kusa da kai suna cewa ka riΖ™e kaΙ—an kaΙ—an.

Wannan article domin ilimi ne kawai kuma ba financial advice ba ne.