Yawancin Mutane Ba Za Su Yi Arziki a Crypto ba — Ga Dalili9

Babu wanda yake son jin wannan. Amma dole ne wani ya faɗa.

Kowace rana, dubban mutane suna shiga kasuwar crypto ɗauke da mafarki iri ɗaya cewa wannan ita ce hanyar su ta fita daga talauci. Damar su ta mayar da ₦50,000 zuwa miliyoyi. Su tsere daga rayuwar neman kuɗin ciyarwa kawai. Su zama ɗaya daga cikin mutanen da suke gani a Twitter suna wallafa ribar da ta canza rayuwarsu. Crypto tayi wa kowa alkawarin financial freedom. Kuma wannan alkawari yasa wasu kaɗan sunyi arziki sosai yayin da a hankali yake lalata kuɗin miliyoyin mutane.

Wannan ba yaƙi da crypto ba ne. Wannan tattaunawa ce mai tsauri kuma gaskiya game da dalilin da yasa yawancin mutanen da suka shiga wannan kasuwa baza suyi arziki daga gare ta ba da kuma abin da ya bambanta waɗanda suka yi. Suna Shigowa Lokacin da bai dace ba Saboda dalilan da basu dace ba mafi tabbataccen abu da ake gani a kasuwar crypto shi ne: retail investors suna shigowa lokacin da farashi ya riga yayi tsada, sannan su fita lokacin da farashi ya riga ya yi ƙasa. Wannan yana faruwa a kowane cycle ba tare da kuskure ba.

Lokacin da Bitcoin yake $60,000 kuma kowace kafar labarai tana magana a kai, lokacin da maƙwabcinka yake magana a kansa a wajen biki, lokacin da mai askinka yake da ra’ayi akan Ethereum wannan shi ne lokacin da yawancin ordinary investors suke yanke shawarar shiga. Kuma kusan koyaushe wannan yana kusa da saman kasuwa.

Lokacin da crypto ta zama babban labari, whales sun riga sun tara watanni da suka wuce. Institutions sun riga sun tsara matsayinsu a hankali. Masu imani na farko sun riga sun kulle ribarsu. Retail investor da yazo a saman kasuwa ba ya samun arziki yana zama exit liquidity ga waɗanda suka shiga kafin shi.

Mutanen da suka gina arziki na gaske a crypto sun sayi Bitcoin a $1, $100, $1,000 lokacin da ba a san shi ba, lokacin da ake masa dariya, lokacin da riƙe shi yana buƙatar babban imani saboda matsin lambar jama’a. Wannan damar baza ta sake dawowa ga wannan asset ɗin ba. Kuma yawancin mutane ba su da ƙarfin zuciyar sayen wani abu da ba a san shi ba kuma ba a son shi sosai, su riƙe shi shekaru suna jiran duniya ta gane shi.

Suna Yin Caca Maimakon Zuba Jari

Akwai babban bambanci tsakanin investing da gambling kuma yawancin mutanen da suke tunanin suna yin na farko, a zahiri suna yin na biyu ne.

Investing yana nufin sayen asset saboda ka fahimci darajarsa, kana da dalili mai ma’ana na dalilin da zai bunƙasa, kuma kana da haƙurin jira wannan ra’ayin yayi aiki a lokaci mai tsawo. Gambling kuma shi ne saka kuɗi akan wani abu da ba ka iya hasashe, saboda tips, trends, ko fatan cewa wannan karon farashi zai tashi.

Kasuwar crypto cike take da gamblers da suke ganin kansu investors. Suna sayen random altcoins saboda wani a Telegram yace zai yi 100x. Suna saka kuɗi a projects da ba za su iya bayyana ba, waɗanda suke dogara da whitepapers da basu taɓa karantawa ba, saboda chart ɗin yayi kyau kuma community ta yi farin ciki. Suna yin leverage trading aro kuɗi domin ƙara girman jari kuma a share su a cikin kuskure guda

Kasuwar altcoin musamman tana da tsauri sosai. Duk Ethereum da ya ba masu shigar farko dubban kashi na riba, akwai dubban tokens da aka ƙaddamar, suka tashi na ɗan lokaci, sannan suka koma sifili suna ɗaukar kuɗin retail traders ne yayin da insiders suka riga suka fita. Mafi yawan altcoins da suka wanzu a 2017 da 2021 ko dai ba su da daraja ko kuma suna kusa da haka a yau.

Zuba jari a crypto yana buƙatar irin wannan discipline kamar kowace serious investment bincike, haƙuri, girman matsayi mai kyau, da ikon sarrafa zuciya domin riƙe ra’ayi ba tare da sayarwa ba saboda tsoro ko saya saboda kwaɗayi ba. Yawancin mutane ba za su iya yin hakan ba. Ba don su wawaye bane amma saboda babu wanda ya koya musu, kuma kasuwar an gina tane domin amfani da halaye, tunanin mutune waɗanda suke sa yin disciplined investing yayi wahala.

Suna Barin Zuciya Ta Yanke Shawara

Mafi tsadar emotions biyu a crypto su ne tsoro da kwaɗayi. Kuma kasuwa tana amfani da su da mugun ƙwarewa.

Kwaɗayi yana sa mutane su saya a sama. Lokacin da farashi yake tashi sosai, lokacin da charts suke hawa kai tsaye, lokacin da kowa a kusa da su yake ganin yana samun kuɗi tsoron rasa damar (FOMO) yana zama da wuya a iya jurewa. Mutane suna watsi da shirin su, su saka kuɗin da ba za su iya rasawa ba, su bi rally da ya kusa ƙarewa.

Tsoro yana sa mutane su sayar a ƙasa. Bayan watanni suna kallon portfolio ɗinsu yana raguwa, bayan karanta labarai suna cewa crypto ta mutu karo na ɗari, bayan gajiyar tunani na dogon bear market mutane suna sayarwa. Suna karɓar asararsu, su tafi, su rantse ba za su sake shiga crypto ba. Sai kasuwa ta dawo.

Sayi sama, sayar ƙasa. Akasin duk wata ƙa’idar investing da aka taɓa koyarwa. Amma duk da haka shi ne abin da yawancin retail investors suke yi, cycle bayan cycle, saboda emotion ya fi ƙarfin logic wajen yanke shawarar kuɗi musamman idan kuɗi yana ciki. Masu arziki a crypto ba wai sun sami bayanai na musamman bane fiye da kowa ba. A lokuta da yawa suna da bayanai iri ɗayane. Abin da suke da shi shi ne discipline na zuciya don yin amfani da shi daidai su saya lokacin da wasu suke tsoro, su riƙe lokacin da wasu suke firgita. Wannan discipline ya fi wahalar samu fiye da yadda mutane suke tunani.

Ba Su Fahimci Abin da Suke Saya ba

Tambaya kaɗan. Idan kana riƙe da crypto token yanzu za ka iya bayyanawa cikin sauƙi abin da yake yi, dalilin da yasa yake da daraja, wa yake amfani da shi, wa ya gina shi, da matsalar da yake warwarewa?

Idan amsar ita ce a’a ba investing kake yi ba. Kana yin speculation ne bisa motsin farashi da matsin lambar jama’a. Kuma speculation ba tare da fahimta ba kawai hasashene mai tsada ne.

Crypto space cike yake da projects masu kyawawan websites, communities masu ƙarfi, amma babu real-world utility. An ƙirƙire su ne domin wadatar da creators da early insiders ta token sales da pump-and-dump. Retail investors da basu fahimci abin da suke saya ba ba zasu iya bambance legitimate project mai daraja da marketing exercise da aka tsara domin karɓar kuɗinsu ba.

Bitcoin ya rayu sama da shekaru 15, ya fuskanci crashes na 70% ko fiye, regulatory attacks, rushewar exchanges, da tsinkayen mutuwarsa marasa iyaka saboda yana da bayani mai sauƙi kuma mai ƙarfi a matsayin scarce, decentralized store of value. Wannan shi ne thesis da za ka iya riƙewa lokacin bear market.

"Na ji zai yi 100x" ba thesis ba ne. Addu’a ce.

Suna Wasa Da Kwararru

Kamar yadda muka tattauna a bincikenmu kan waɗanda suke sarrafa kasuwar crypto whales, exchanges, da institutions ba masu kallo kawai ba ne. Su ne players masu ƙarfi, masu ilimi, masu resources da yawa waɗanda suke cin riba daga halayen retail investors.

Lokacin da ka saya saboda hype, sau da yawa kana saya daga wanda ya ƙirƙiri hype ɗin. Lokacin da ka sayar saboda tsoro, sau da yawa kana sayar wa wanda ya tsara yanayin da ya sa ka firgita. Bambancin bayanai tsakanin retail investors da professional market participants a crypto yana da girma kuma yawancin retail investors ba su ma san yana nan ba.

Wannan ba yana nufin talakawa ba za su iya samun kuɗi a crypto ba. Yana nufin dabarun ƙoƙarin fin professional traders day trading, leverage trading, bin pumps kusan koyaushe dabaru ne na asara ga retail investors. Gidan yana da katunan da suka fi kyau, technology da ta fi kyau, da masu ƙwarewa fiye da kai. Yin wasa da dokokinsu hanya ce mai sauri ta rasa kuɗi.

Waɗanda Suka Yi Arziki Me Ya Bambanta Su?

Ya dace a bincika abin da ya bambanta masu nasara a crypto da waɗanda suka yi asara — saboda yawanci ba abin da mutane suke tunani ba ne. Ba hankali ba ne. Ba samun sirrin bayanai ba ne. Ba ma zaɓar altcoin da ya dace a lokacin da ya dace bane duk da cewa sa’a ta taka rawa ga wasu.

Abin da ya fi haɗa waɗanda suka gina arziki na gaske a crypto shi ne lokaci. Sun sayi Bitcoin ko Ethereum da wuri ba saboda sun san zai kai inda yake yau ba, amma saboda sun yi imani sosai har suka riƙe shi duk da shekaru na shakku, raini, da mummunan faɗuwar farashi. Sun tsira daga bear markets da suka fitar da yawancin mutane. Kuma suna nan suna riƙe lokacin da kasuwa ta dawo ta wuce tsoffin matakai.

Na biyu shi ne discipline. Sun ɗauki profits. Ba su saka duka rayuwarsu ba. Sun ɗauki crypto a matsayin wani ɓangare na financial strategy, ba lottery ticket ba.

Na uku shi ne knowledge. Sun fahimci abin da suke dashi sosai har suka iya riƙe conviction yayin volatility. Fahimta ta basu damar yanke shawara mai kyau a kasuwa mai hauka.

To Me Ya Kamata Kayi?

Ka daina kallon crypto a matsayin hanyar yin arziki cikin gaggawa. Ba haka ba ne. Lokacin samun arziki cikin gaggawa ya riga ya wuce ga yawancin assets, kuma mutanen da suke sayar maka wannan mafarkin yau yawanci suna samun arziki ne daga shigowarka ba daga kasuwar kanta ba. Ka fara kallon crypto kamar yadda take a zahiri ga yawancin mutane asset class mai babban haɗari da babban canjin farashi wanda zai iya zama wani ɓangare mai amfani na diversified financial strategy idan aka shiga da ilimi, haƙuri, da discipline.

Saka kuɗin da za ka iya rasasu gaba ɗaya kawai. Fara da Bitcoin da Ethereum kafin komai. Yi dollar cost average maimakon ƙoƙarin hasashen kasuwa. Sanya profit targets kuma ɗauki ribar idan sun kai. Ajiye assets ɗinka a self-custody. Kuma saka ƙoƙari wajen fahimtar abin da kake mallaka kamar yadda kake saka kuɗi wajen sayensa. Yawancin mutane ba za su yi arziki a crypto ba. Amma wasu za su gina arziki mai ma’ana kuma mai dorewa daga gare ta. Bambanci tsakanin waɗannan rukuni biyu kusan ba sa’a ba ne. Kusan koyaushe discipline, ilimi, da lokaci ne.

Wannan article domin ilimi ne kawai kuma ba financial advice ba ne. Kullum ka yi naka bincike kafin ka yanke duk wata shawarar saka jari.