An Tuhumi Mutane 88 Kan Hare-Haren “WRENCH ATTACKS” Na Crypto Guda 12 A Faransa

Hukumomin tsaro na Faransa sun kasance suna binciken hare-haren wrench attacks kuma sun gano cewa wasu daga cikin wadanda ake zargi suna da hannu a hare-hare da dama.

A kalla mutane 88, ciki har da yara 10, an gurfanar da su a gaban kotu dangane da hare-haren wrench attacks kan masu rike da crypto a Faransa, a cewar Venessa Perrée, babbar mai gabatar da kara ta kasa kan laifukan kungiyoyi.

Perrée ta ce a cikin wata sanarwa ranar Juma’a cewa mutane 75 daga cikin wadanda ake zargi suna tsare a kurkuku kafin shari’a, inda kama mutanen ya shafi shari’o’i guda 12 da ake bincike a yanzu ta hannun alkalan bincike na Kotun Shari’a ta Paris, kuma ofishin National Prosecutor's Office for Organized Crime ne ke kula da su.

Wrench attacks suna nufin amfani da karfi na jiki domin samun damar shiga wallet na crypto na mutum, kuma sun hada da shiga gida da karfi, satar mutane, da sauran hanyoyin tilastawa domin kwace kudi.

PNACO ta rubuta hare-hare 18 a 2024, 67 a 2025, da kuma 47 zuwa yanzu a 2026.

Kamfanin tsaro na blockchain CertiK ya bayar da rahoton karin kashi 75% na irin wadannan hare-hare a duniya a 2025 idan aka kwatanta da shekarar da ta gabata.

“Wadan nan ayyuka, musamman karkashin dokoki kamar kama mutum, sacewa, tsarewa a kungiya, kwace kudi, da kokarin kwace kudi a kungiya, suna da matukar tsanani, duka saboda illar da suke jawo wa mutane da kuma hanyoyin da ake amfani dasu wajen tilasta musu mika crypto-assets,” inji Perrée.

Kungiyoyi masu tsari suna gudanar da hare-haren

Hukumomin Faransa dake binciken wadannan hare-hare sun hada wasu shari’o’i bayan sun gano cewa wasu daga cikin wadanda ake zargi suna maimaita shiga cikin hare-hare da dama.

 Wadannan hade-hade sun samu ne saboda gano wasu mutane dake maimaita shiga cikin shari’o’i da dama, wanda ya nuna akwai kungiyoyi masu tsari,” in ji Perrée.

 Bincike na ci gaba sosai, karkashin jagorancin alkalan bincike, domin gano dukkan masu laifi da wadanda suka shirya laifin, fahimtar hanyoyin kudade, da rushe wadannan kungiyoyi.

ta kara da cewa.

Babban jami’in tsaro na Casa, Jameson Lopp, ya rike jerin hare-haren wrench attacks a duniya tun daga 2014, kuma ya rubuta guda 29 zuwa yanzu a wannan shekara.

An samu hare-hare guda biyar a watan Afrilu zuwa yanzu.

"Masu crypto su guji nuna dukiyarsu a social media"

Perrée ta ce karuwar wadannan hare-hare na nufin masu rike da crypto da iyalansu su kasance masu taka tsantsan, su guji “yawan nuna kansu a social media wanda zai iyasa su zama target,” kuma suyi hattara da masu damfara dake nuna kansu a matsayin hukumomin bincike ko na shari’a domin samun bayanai.

Wani rahoto daga TRM Labs ya nuna a bara cewa karuwar wadannan hare-hare na faruwa ne saboda yadda transactions na crypto ke da pseudonymity, bayyanar dukiya a fili, da kuma saukin samun bayanan mutum a intanet.

A gefe guda, wanda ya kafa Telegram, Pavel Durov, ya ce karuwar hare-haren a Faransa na iya kasancewa saboda amfani da bayanan haraji na masu crypto ba daidai ba daga wani tsohon jami’in haraji.